One Piece Pirate Warriors 3
معلومات عن اللعبة
بتشوفون الكشف عن الطور الجديد Legend Log mode واللي بيركز على قصة بطل اللعبة قبعة القش لوفي. بتواجهون في هذا الطور أغلب أعداء لوفي المعروفين زي حق الرمل ذاك كروكودايل واللحية السوداء وغيرهم بشكل يغطي أغلب الأحداث اللي صارت في السلسلة الكاملة.
طور Dream Log Mode. في هذا الطور تختار شخصيتك المفضلة وتلعب فيها عشان تفتح مسارات وجزر جديدة. وأنت تلعب تقدر تفتح بعض الشخصيات اللي واجهتهم كشخصيات قابلة للعب. خل نقول مثلا إخترت تلعب بزورو وبعدين واجهت عين الصقر ميهوك وهزمته بتصير شخصية ميهوك قابلة للعب. تقدر بعد تجمع قروش في هذا الطور إذا هزمت شخصيات أو سويت مهمات معينة.
لمحة لقائمة تخصيص الشخصيات ( character customization ). هنا تقدر تطور شخصيتك المفضلة عن طريق صرف القروش “coins” عشان تفتح لهم مهارات جديدة. اللعبة زي الأجزاء الماضية تدعم اللعب التعاوني عن طريق الأونلاين وتقدر تشوف هالشيء في الدقيقة 3:40 في الفيديو.
صور من داخل اللعبة
تحميل اللعبة
